ह्वाइट हाउसमा ४० करोड डलरको बलरुम बनाउने ट्रम्पको योजनामा अदालतको ब्रेक

काठमाडौं । अमेरिकी संघीय पुनरावेदन अदालतले राष्ट्रपति डोनाल्ड ट्रम्प प्रशासनलाई ह्वाइट हाउस परिसरमा निर्माणाधीन ४० करोड अमेरिकी डलर लागतको विशाल बलरुम (भोज तथा औपचारिक समारोह हल) निर्माण तत्काल रोक्न आदेश दिएको छ । अदालतको यो निर्णयलाई ट्रम्प प्रशासनका लागि ठूलो कानुनी झट्काका रूपमा हेरिएको छ ।

वासिङ्टन डी.सी. सर्किटको अमेरिकी पुनरावेदन अदालत ले शुक्रबार २–१ को बहुमतमा दिएको फैसलामा ह्वाइट हाउस कुनै पनि राष्ट्रपतिको निजी सम्पत्ति नभई अस्थायी रूपमा प्रयोग गर्ने सरकारी निवास भएकाले राष्ट्रपतिले कांग्रेसको स्वीकृतिबिना त्यसको मूल संरचनामा ठूलो परिवर्तन गर्न नसक्ने स्पष्ट पारेको छ ।