निजी क्षेत्रलाई रणनीतिक साझेदार बनाउन पूर्वका उद्योगीले गभर्नरलाई बुझाए ११ बुँदे सुझाव

विराटनगर । आर्थिक तथा वित्तीय क्षेत्रको नियामक निकाय नेपाल राष्ट्र बैंकका गभर्नर डा विश्वनाथ पौडेलसमक्ष विराटनगरका उद्योगी व्यवसायीले मुलुकको वर्तमान आर्थिक सुस्तता सम्बोधनका लागि ११ बुँदे नीतिगत सुझाव पेश गरेका छन् ।

शुक्रबार विराटनगरस्थित राष्ट्र बैंकको प्रदेश कार्यालयमा आयोजित छलफलमा नेपाल उद्योग परिसंघ कोशी, मोरङ उद्योग व्यापार संघ, उद्योग संगठन मोरङ र नेपाल उद्योग वाणिज्य महासंघ कोशीका पदाधिकारीहरूले निजी क्षेत्रलाई राज्यको नियमनको विषय मात्र नबनाई आर्थिक विकासको रणनीतिक साझेदारका रूपमा स्थापित गर्न माग गरेका हुन् ।