बिहानै खुला चौरमा गुञ्जिन्छ संगीत, तालमा नाच्छ बुटवल !

सूर्योदयसँगै खुला चौरमा गुञ्जिने सुमधुर भजन र विभिन्न गीत । सोही ‘म्यूजिक’को तालसँगै अगाडि प्रशिक्षकको स्टेप हेर्दै सोही आधारमा अगाडि-पछाडि, दायाँ-बायाँ र तलमाथि चलिरहन्थे सयौँ हातखुट्टा । पसिनाले भिजेको अनुहारमा थकानभन्दा मुस्कान बढी छ । पसिनाले पूरै कपडा भिजेको छ, तर, पसिना स्वास्थ्यतर्फको यात्रामा साक्षी बनेको छ । यस्तो दृश्य पछिल्लो समय बुटवलका खुला चौरमा लोकप्रिय बनेको छ ।

कुनै बेला योगा अभ्यासमा मात्र सीमित रहने स्वास्थ्य अहिले बिहानी नित्य सङ्गीत र नृत्यसँग जोडिएको ‘जुम्बा योगा’तर्फ आकर्षित बनेको छ । सहरीया जीवनशैलीले स्वस्थ बन्न बिहानमा अपनाउँदै आएको यो फरक योगाको तरिकाले सबैको नजर तानेको छ ।