ट्रकमा लुकाएको १३ सय किलो बढी गाँजा बरामद

खोटाङबाट भारी मात्रामा प्रतिबन्धित गाँजा बरामद भएको छ। ट्रकको फल्स बटममा लुकाएर अज्ञातस्थलतर्फ लाने तयारी भइरहेको अवस्थामा गस्तीमा निस्केको प्रहरीले गाँजा बरामद गरेको हो।

गस्तीको क्रममा शुक्रबार बिहान सडक छेउमा रोकिराखेको ट्रकमा खानतलासी गर्दा एक हजार ३ सय २५ किलो गाँजा फेला परेको खोटाङ प्रहरीले जनाएको छ। गस्ती निस्केको जिल्ला प्रहरी कार्यालय खोटाङका प्रहरी निरीक्षक निराजन बस्नेत कमान्डको टोलीले मध्य पहाडी लोक मार्गअन्तर्गत दिक्तेल रुपाकोट मझुवागढी नगरपालिका-७ वालिङस्थित सडकबाट गाँजा नियन्त्रणमा लिएको हो।