अम्बासेडर एकेडेमी र खालिबारी एफसी च्याम्पियन

काठमाडौं। नमुना स्पोर्ट्स क्लब, गोदावरीको आयोजनामा गोदावरी–३, ललितपुरमा सम्पन्न ‘दिनेश स्मृति गाईजात्रा फुटबल प्रतियोगिता’को महिलातर्फको उपाधि अम्बासेडर एकेडेमी र पुरुषतर्फको उपाधि खालिबारी एफसीले जितेको छ।

भदौ १२ र १३ गते दुई दिन सञ्चालन भएको प्रतियोगिताको फाइनलमा खलिबारी एफसीले टीएसएसलाई ३–० गोल अन्तरले पराजित गर्दै उपाधि हात पारेको हो। प्रतियोगितामा पुरुषतर्फ १२ टोलीको सहभागिता रहेको थियो।