गाँजा तस्करीमा नयाँ शैली : थाइल्यान्डबाट मगाएको गाँजा लिन दिल्लीबाट विमान चढेर काठमाडौँ

काठमाडौँ । थाइल्याण्डबाट त्रिभुवन विमानस्थल हुँदै गरिने गाँजा तस्करीमा तस्करहरूले नयाँ शैली अपनाउन थालेका छन् । थाइल्यान्डबाट मगाएको गाँजा रिसिभ गर्न भारतीय नागरिक एयर इन्डियाको विमान चढेर काठमाडौँ आएको भेटिएको छ ।

प्रहरीलाई झुक्याउन भारतबाट आएका आरोपीले थाइल्यान्डबाट मगाएको गाँजा विमानस्थलको एप्रोन एरियामा नै रिसिभ गरेका हुन् । २ केजी ३६० ग्राम गाँजा रिसिभ गरेको अवस्थामा दिल्लीबाट आएका मोहम्मद सब्बिरलाई पक्राउ गरिएको लागु औषध नियन्त्रण ब्युरोका एसएसपी सुवास बोहराले रातोपाटीलाई बताए ।