सर्वोच्च अदालतको रोकपछि पनि कुकलाई हटाउन ट्रम्पको नयाँ प्रयास

रोयटर्स । अमेरिकी राष्ट्रपति डोनाल्ड ट्रम्पले फेडरल रिजर्भकी गभर्नर लिसा कुकलाई पदबाट हटाउने प्रयास पुनः थालेका छन्। यससँगै अमेरिकी केन्द्रीय बैंकको स्वतन्त्रतामाथि ट्रम्पको दबाब फेरि बढेको छ।

रोयटर्सले प्राप्त गरेको पत्रअनुसार ह्वाइट हाउसले यसै साता कुकलाई पत्र पठाउँदै उनलाई पदबाट हटाउने विषयमा राष्ट्रपति ट्रम्पले ‘विचार गरिरहेको’ जनाएको छ। पत्रमा कुकमाथि लगाइएको मोर्टगेज ठगीसम्बन्धी आरोपबारे तीन साताभित्र जवाफ दिन भनिएको छ।