कर्णालीमा रास्वपा : डोल्पा बाहेक सबैतिर वडादेखि जिल्लाको नेतृत्व चयन

सुर्खेत । गत फागुनमा भएको प्रतिनिधि सभा निर्वाचनसम्म राष्ट्रिय स्वतन्त्र पार्टी (रास्वपा) कर्णालीका सबैजसो जिल्ला र गाउँसम्म पुगेको थिएन। जसका कारण निर्वाचनमा अन्य प्रदेशका तुलनामा कर्णालीमा कमजोर रह्यो । प्रत्यक्षतर्फ जम्मा एक सिट जितेको रास्वपा समानुपातिकतर्फ दोस्रो बन्यो।

निर्वाचनमार्फत झण्डै दुई तिहाइ नजिक जनमत पाए देशको बागडोर सम्हालेसँगै कर्णालीमा रास्वपाको साङ्गठनिक अवस्थामा फैलावट आएको छ। अहिलेसम्म सुर्खेत, दैलेख, जाजरकोट, सल्यान, रुकुमपश्चिम, कालिकोटदेखि जुम्ला लगायतका जिल्लामा वडादेखि पालिकासम्म कमिटी गठन भएका छन् । यस्तै, सोमबार अपराह्नसम्म डोल्पा बाहेकका सबैजसो जिल्लामा प्रथम अधिवेशन सम्पन्न भइसकेको छ।