मनोजनारायणको घरमै संग्रहालय

२३ साउन, धनकुटा । धनकुटा नगरपालिका–६ सिरान बजारमा छ, मनोजनारायण श्रेष्ठको घर । शहीद भीमनारायण श्रेष्ठका जेठा छोरा मनोजनारायणले आफ्नो घरलाई संग्रहालयका रूपमा विकास गरेका छन् ।

उनको घरको कोठामा राखिएका दुर्लभ तस्वीर, पुराना रेडियो, ग्रामोफोन, टेलिफोन, माटाका पाइप, चन्द्रशमशेरकालीन इँटा, विभिन्न आन्दोलनका दस्तावेज, पुराना भाँडाकुँडा, कृषि औजार, शहीद भीमनारायणका कपडा तथा अन्य सामग्रीले आगन्तुकलाई एउटा इतिहासको जानकारी गराउँछ ।