प्रधानमन्त्री शाहलाई मनिष झाको जवाफ- कोही एक्लो छैन, सरकारलाई साथ र सहयोग छ

काठमाडौं- राष्ट्रिय स्वतन्त्र पार्टी (रास्वपा) का सांसद मनिष झाले सरकार परिवर्तनको ऐतिहासिक जनादेश पाएको सरकारलाई सबैको साथ आवश्यक रहेको बताएका छन्। प्रधानमन्त्री बालेन्द्र शाहलाई जवाफ दिदै उनले सरकारमा कोही पनि एक्लो नरहेको भन्दै आफू सरकारको साथमा रहेको स्पष्ट पारेका छन्।

झाले सामाजिक सञ्जालमार्फत परिवर्तनका लागि प्राप्त भएको जनादेशलाई खेर जान नदिन सबै जिम्मेवार भएर अघि बढ्नुपर्ने बताएका हुन्। उनले सरकारको नियत र आशयप्रति आफूलाई शंका नरहेको पनि उल्लेख गरेका छन्।