प्रभु साह भन्छन्: नयाँहरुले पनि जनतालाई ढाँटे

आम जनता पार्टीका अध्यक्ष प्रभु साहले आफूलाई नयाँ शक्ति भन्नेहरूले जनतालाई भ्रममा पारेको बताएका छन् । उनले मुलुकको आर्थिक, सामाजिक तथा राजनीतिक अवस्था झन् दयनीय बन्दै गएको भन्दै अग्रगामी शक्तिहरू एकजुट भएर अघि बढ्नुपर्ने बताएका छन्।

सात राजनीतिक दलले घोषणा गरेको ‘अग्रगामी मोर्चा’ कार्यक्रमलाई सम्बोधन गर्दै साहले विगतका राजनीतिक आन्दोलनबाट व्यवस्था परिवर्तन भए पनि जनताको अवस्थामा अपेक्षित सुधार आउन नसकेको बताए। उनले २०४६ सालको जनआन्दोलन, सशस्त्र द्वन्द्व तथा मधेस आन्दोलनमा ठूलो बलिदानी भए पनि जनताले अपेक्षा गरेको सुखद् दिन अझै आउन नसकेको बताए।