मनहराका सुकुम्वासीको चेतावनी : माग पूरा नभए भदौ १२ देखि सत्याग्रह

भक्तपुर । भक्तपुरको मनहरा क्षेत्रमा वैकल्पिक व्यवस्थाबिना हटाइएका सुकुम्वासी बस्तीका प्रभावितहरूले तत्काल पुनर्स्थापनाको माग गर्दै कोणसभा गरेका छन् ।

संयुक्त राष्ट्रिय सुकुम्वासी मोर्चा नेपाल, काठमाडौँ उपत्यका विशेष समितिको आयोजनामा बस्तीमा डोजर चलाइएको करिब चार महिनापछि कोणसभा गरिएको हो । मोर्चाले प्रभावित परिवारको तत्काल व्यवस्थापन गर्न माग गर्दै भदौ १२ गतेसम्म माग सम्बोधन नभए अनिश्चितकालीन शान्तिपूर्ण सत्याग्रह सुरु गर्ने घोषणा गरेको छ ।