पुनर्स्थापनाको माग गर्दै मनहराका सुकुम्वासी आन्दोलित, माग पूरा नभए भदौ १२ देखि सत्याग्रह सुरु गर्ने चेतावनी

भक्तपुर । भक्तपुरको मनहरा क्षेत्रबाट विकल्पविना नै विस्थापित गरिएका सुकुम्वासीहरूले आफ्नो पुनस्स्थापनाको माग गर्दै आन्दोलनलाई अघि बढाएका छन् ।

बस्तीमा डोजर चलाइएको चार महिना बितिसक्दा पनि सरकारले व्यवस्थापनमा चासो नदेखाएको भन्दै पीडित परिवारहरूले भक्तपुरमा कोणसभा आयोजना गरी गम्भीर चेतावनी दिएका हुन्।