पाइपलाइनबाट डिजेल, पेट्रोल आउन थालेपछि चोरीको निसाना ‘हवाइ इन्धन’

वीरगन्ज । अनावश्यक जाम, चोरी, र खर्चिलो मूल्यलाई न्यूनिकरण गर्न पेट्रोलियम पदार्थ मध्ये सबैभन्दा बढि खपत हुने डिजेल, पेट्रोल पाइपलाईनबाट आउन थालेपछि चोरीको निशानामा ‘हवाई इन्धन’ परेको खुलेको छ । भारतबाट नेपाल आयल निगमका लागि ल्याइदै गरेको हवाई इन्धन टुँगोमा नपुगी बाटोमै चोरी हुँदै गरेको रंगेहात भेटेपछि यस्तो तथ्य खुलेको हो ।

पहिले डिजेल पेट्रोल बाटोमै चोरी गर्नेहरुसँग संगत गरेकै व्यक्तिहरु विगतको चोरीको कला प्रयोग गर्दै हुन सक्ने पनि यो घटनाले खुलासा गरेको छ । गन्तव्यमा हवाई इन्धन नपु¥याई बाटोमा इन्धन ग्यालेनमा निकाल्दै गरेको रंगेहात पक्राउ पर्नुले पक्राउ परेका अभियुक्तहरु पटके हुन् कि ? भनी अनुसन्धानको पाटो उता तर्फ पनि सोझिएको पर्साका प्रहरी उपरिक्षक पवन कुमार भट्टराईले पनि बताए । हवाई इन्धन जस्तो प्रज्ज्वलनशिल पदार्थ बाटोमै चोरी गरी विक्री वितरण गर्नु राम्रो संकेत होइन । प्रहरी नियन्त्रणमा आइसकेको सातै जनालाई ७ दिनको म्याद लिई विभिन्न पाटोबाट अनुसन्धान सुरु भएको उनको भनाइ छ ।