पार्टी एकता हुन्छ भने महामन्त्री पद छाड्न तयार छु : प्रदीप पौडेल

नेपाली कांग्रेसका महामन्त्री प्रदीप पौडेलले पार्टीभित्र एकता कायम हुने भए आफू महामन्त्री पद छाड्न तयार रहेको बताएका छन्। उनले पार्टीको एकताभन्दा पद ठूलो नभएको सन्देश दिँदै वरिष्ठ नेताहरूलाई सम्मानजनक स्थान दिनुपर्ने बताएका छन्।

शनिबार काठमाडौं महानगरपालिका–२६ कांग्रेस कार्यसमितिको सम्मान कार्यक्रममा पौडेलले सभापति पार्टीको संस्था भएकाले सभापतिभन्दा माथि कोही हुन नसक्ने बताए। वरिष्ठ नेताहरूको योगदान आफूभन्दा धेरै रहेको भन्दै उनीहरूलाई सम्मान गर्नुपर्ने उनको भनाइ थियो।