साउनको अन्तिम सोमबारका लागि पशुपतिमा विशेष तयारी

साउनको चौथो तथा अन्तिम सोमबार र बोलबम यात्रालाई लक्षित गरी पशुपतिनाथ मन्दिर क्षेत्रमा पाँचौँ साताको सरसफाइ अभियान सम्पन्न गरिएको छ। पशुपति क्षेत्र विकास कोषले शनिबार मन्दिरका मुख्य ढोका, प्रवेश मार्ग तथा वरपरका क्षेत्रमा सरसफाइ गरेको हो।

भुवनेश्वरी मन्दिरअघिबाट सुरु भएको सफाइ अभियान इट्टापाखा, जयवागेश्वरी, सुन्धारा र भण्डारखाल क्षेत्रसम्म सञ्चालन गरिएको कोषका सञ्चालक परिषद् सदस्य केदारमान भण्डारीले जानकारी दिए।