हिलिहाङ गाउँपालिका पूर्ण खोप सुनिश्चित घोषणा

पाँचथर — हिलिहाङ गाँउपालिका पूर्ण खोप सुनिश्चित स्थानीय तह घोषणा गरिएको छ । यो गाँउपालिकालाई मापदण्डअनुसार जन्मेदेखि ५९ महिनाका बालबालिकालाई खोपको मात्रा पूरा गर्दै आइतबार पूर्ण खोप सुनिश्चित घोषणा गरिएको हो ।

७ वटा वडा रहेको हिलिहाङमा ४ हजार ३ सय ३३ घरधुरी र १७ हजार ८ सय ७१ जनसंख्या रहेको छ । जसमध्ये जन्मदेखि ११ महिनासम्मका १ सय ५९, १२ देखि १५ महिनाका ७१, १६ देखि २३ महिनाका २ सय ३० र २४ देखि २३ महिनाका ५ सय २३ गरी कुल ९ सय ८३ बालबालिका छन् ।