ग्यास पसलको अनुगमन गर्न निस्किए प्रमुख जिल्ला अधिकारी

ताप्लेजुङका प्रमुख जिल्ला अधिकारी उमेशकुमार दाहालले शनिबार अपरान्ह फुङलिङका ग्याँस बिक्री गर्ने पसलहरुको छड्के अनुगमन गरेका छन् ।

खाना पकाउने ग्याँसको माग र आपूर्तिमा सन्तुलन स्थापित गर्ने उद्देश्यले प्रजिअ दाहाल आफैं छड्के अनुगमनमा निस्किएका हुन् । अनुगमनको क्रममा ग्याँसको भण्डारण भएको नदेखिएको दाहालले बताए । ‘जति आउँछ,ग्याँस बिक्रेताले उपभोक्तालाई त्यति नै ग्याँस दिने गरेको पाईयो’प्रजिअ दाहालले भने‘उपभोक्ताले ग्याँस झर्ने बित्तिकै गाडीबाटै घरतर्फ लगेको पनि पाइयो’ ।