अमेरिकी सर्वोच्च अदालतको ऐतिहासिक फैसला- राष्ट्रपतिको अधिकार विस्तार, चुनावी कानुनमा ट्रम्पलाई झट्का

अमेरिकी सर्वोच्च अदालतले सोमबार दुईवटा छुट्टाछुट्टै ऐतिहासिक र दूरगामी फैसलाहरू सुनाएको छ। अदालतले एकातर्फ संघीय नियामक निकायका अधिकारीहरूलाई बर्खास्त गर्ने राष्ट्रपतिको अधिकारलाई व्यापक रूपमा विस्तार गर्दै राष्ट्रपति डोनाल्ड ट्रम्पको कदमलाई सदर गरिदिएको छ भने अर्कोतर्फ हुलाक (मेल-इन) मतपत्र गणनासम्बन्धी विवादमा ट्रम्प र रिपब्लिकन पार्टीको दाबीलाई अस्वीकार गरिदिएको छ।

सर्वोच्च अदालतले सोमबार एक ऐतिहासिक ६–३ को बहुमतबाट फैसला सुनाउँदै संघीय व्यापार आयोगका डेमोक्रेटिक सदस्यलाई बर्खास्त गर्ने राष्ट्रपति ट्रम्पको कदमलाई सदर गरिदिएको हो । फैसलाले अमेरिकी सरकारमाथि राष्ट्रपतिको नियन्त्रण र अधिकारलाई अझ बलियो बनाएको छ।