जनश्रमदानबाट ढाडे–मानेभञ्ज्याङ सडक सुचारु

लगातारको वर्षाका कारण पहिरो खसेर अवरुद्ध भएको खोटाङको साकेला गाउँपालिका–३ स्थित ढाडे–मानेभञ्ज्याङ सडक जनश्रमदानबाट सुचारु गरिएको छ।

बिहीबार रातिदेखि परेको वर्षाका कारण पहिरो र हिलोले सडक अवरुद्ध भएपछि स्थानीय जनप्रतिनिधि, कर्मचारी, सुरक्षाकर्मी र सर्वसाधारणले श्रमदान गरेका हुन्। गाउँपालिकाको ट्याक्टर र ब्याकहोलोडरसमेत प्रयोग गरी शनिबार बिहानसम्म सडक सञ्चालनमा ल्याइएको गाउँपालिकाले जनाएको छ।