वर्षा र पहिरोले देशका विभिन्न राजमार्ग अवरुद्ध, बीपी र कान्ति लोकपथको यात्रामा रोक

काठमाडौँ – अविरल वर्षा, पहिरो तथा सडक कटानका कारण देशका मुख्य राजमार्गसहित विभिन्न सडकखण्डमा सवारी आवागमन प्रभावित भएको छ। प्रहरी प्रधान कार्यालयले उपलब्ध गराएको विवरणअनुसार सिन्धुपाल्चोक, इलाम, रसुवा, तेह्रथुम र रुकुम पश्चिमका सडकहरू पूर्ण रूपमा अवरुद्ध भएका हुन्।

काभ्रेपलाञ्चोक र सिन्धुली जोड्ने बीपी राजमार्गको खुर्कोट–नेपालथोक–कटुन्जेबेँसी खण्डमा बाढीको जोखिमलाई ध्यानमा राख्दै बेलुकी ६ बजेदेखि बिहान ४ बजेसम्म सवारी सञ्चालनमा रोक लगाइएको छ। कान्ति लोकपथमा पनि वर्षाका कारण बेलुकी ५ बजेदेखि बिहान ५ बजेसम्म गाडी चलाउन पाइने छैन।