होर्मुज जलडमरू खोल्न इरान–ओमान सहमति नजिक, अन्य शर्त पूरा हुनुपर्ने तेहरानको अडान

इरानले विश्वकै महत्त्वपूर्ण ऊर्जा मार्गमध्ये एक होर्मुज जलडमरूबाट जहाज आवतजावत सहज बनाउने विषयमा ओमानसँगको सहमति नजिक पुगेको जनाएको छ । तर त्यसले मात्रै जलमार्ग पूर्ण रूपमा खोल्न पर्याप्त नहुने इरानले बताएको छ ।

इरानी विदेशमन्त्री अब्बास अराघ्चीले इरान र ओमान होर्मुज हुँदै नयाँ पानीजहाज मार्ग सञ्चालन गर्ने सहमतिनजिक पुगेको बताए । तर जलडमरू पुनः खोल्न अमेरिकाले इरानलाई क्षतिपूर्ति दिनुपर्ने लगायतका अन्य शर्त पूरा हुनुपर्ने उनको भनाइ छ ।