सुदूरपश्चिमका ३८ जना सम्पर्कमा आए, १४५ अझै सम्पर्कविहिन

भोटेकोशीमा बिनाशकारी बाढीमा आएको छ दिनसम्म सुदूरपश्चिम प्रदेशका १४५ जना सम्पर्कविहीन रहेका छन् । छ दिनसम्म पनि सम्पर्कविहीनको कुनै अत्तोपत्तो नलाग्दा आफन्तको छट्पटी र चिन्ता बढ्दै गएको छ ।

प्राप्त विवरण अनुसार सुदूरपश्चिम प्रदेशबाट सम्पर्कविहिन हुनेको संख्या प्रत्येक दिन थपिदै गएको प्रहरीले जनाएको छ । आईतबारसम्म १४२ जना सम्पर्कविहीन रहेको विवरण रहेकोमा सोमबार सम्पर्कविहीन हुने संख्या तीन जना थप भएको सुदूरपश्चिम प्रदेश प्रहरी कार्यालयका प्रवक्ता एसएसपी पदमबहादुर बिष्टले बताए । भोटेकोशी बाढी आएको दिन भदौ १० गतेदेखि सम्पर्कविहीन हुनेमा कञ्चनपुरका थप ३ जना रहेको विवरण प्राप्त भएको उनले बताए ।