नयाँ प्रशिक्षक जाइसलको विजयी सुरुवात, न्युक्यासलले भ्यालेन्सियालाई हरायो

नयाँ प्रशिक्षक माथियास जाइसलको नेतृत्वमा न्युक्यासल युनाइटेडले प्रि-सिजनको पहिलो खेलमै प्रभावशाली जित हात पारेको छ। न्युक्यासलले स्पेनिस क्लब भ्यालेन्सियालाई २–१ ले पराजित गर्दै ‘ओरेन्ज ट्रफी' आफ्नो नाममा पारेको हो।

स्पेनको मेस्टाया रंगशालामा भएको खेलमा न्युक्यासलले सुरुवातमै गोल खाएको थियो। खेल सुरु भएको चौथो मिनेटमै फिलिप उग्रिनिचले उत्कृष्ट गोल गर्दै भ्यालेन्सियालाई अग्रता दिलाएका थिए। तर सुरुवाती झट्कापछि न्युक्यासलले खेलमा उत्कृष्ट पुनरागमन गर्‍यो। प्रशिक्षक जाइसलले वैकल्पिक खेलाडीका रूपमा मैदान पठाएका योआने विस्साले दुई गोल गर्दै न्युक्यासललाई जित दिलाए।