लगानीकर्ताका लागि अवसर : प्राइम कमर्शियल बैंकले खुलायो १० वर्षे ऋणपत्र

प्राइम कमर्शियल बैंक लिमिटेडले आज असार १६ गतेदेखि सर्वसाधारणका लागि ऋणपत्र निष्काशन तथा बिक्री खुला गरेको छ। बैंकले '६.२५ प्रतिशत प्राइम डिबेञ्चर २०९३' नामको १० वर्षे अवधिको ऋणपत्रमार्फत कुल ३ अर्ब रुपैयाँ बराबरको पूँजी संकलन गर्न लागेको हो।

बैंकले प्रतिकित्ता १ हजार रुपैयाँ अंकित मूल्यका ३० लाख कित्ता ऋणपत्र जारी गरेको छ। यसमध्ये १८ लाख कित्ता व्यक्तिगत तथा संस्थागत लगानीकर्तालाई निजी तवरबाट बिक्री गरिनेछ भने बाँकी १२ लाख कित्ता सर्वसाधारणका लागि छुट्याइएको छ।