स्थिर सरकार र नीतिबिना उद्यमशीलताको विकास सम्भव छैन : रवि लामिछाने

सत्तारूढ दल राष्ट्रिय स्वतन्त्र पार्टी (रास्वपा) का सभापति रवि लामिछानेले नेपालमा उद्यमशीलता र निजी क्षेत्रको विकासका लागि राजनीतिक संरक्षणभन्दा स्थिर सरकार र स्थिर नीति आवश्यक रहेको बताएका छन्।

नेपाली युवा उद्यमी मञ्चले आयोजना गरेको कार्यक्रममा बोल्दै लामिछानेले नेपालले लामो समयपछि महत्वपूर्ण अवसर प्राप्त गरेको भन्दै त्यसलाई गुमाउन नहुने बताए। उनले नयाँ पुस्ताको राजनीतिक उपस्थितिलाई देश परिवर्तनका लागि महत्वपूर्ण अवसरका रूपमा लिनुपर्ने बताए।