उपाधिको नजिकै सुवाशना

११ वर्षको उमेरमै सांगीतिक क्षेत्रमा छुट्टै पहिचान बनाउन सफल हुदै गरेकी बालगायिका सुवाशना खड्का केसी लोकप्रिय गायन रियालिटी शो द भ्वाइस किड्स नेपाल सिजन ५ को फाइनलमा प्रवेश गरेकी छन्। उत्कृष्ट प्रस्तुति, निरन्तर मेहनत र दर्शकको अपार मायाका कारण सुवाशना फाइनल यात्रासम्म पुग्न सफल भएकी हुन्।

गायक वाङदेन शेर्पाको टोलीबाट प्रतिस्पर्धा गरिरहेकी विजेश्वरी ज्ञान मन्दिर सैनिक महाविद्यालयमा कक्षा ७ मा अध्ययनरत सुवाशनाले सुमधुर स्वर, भावपूर्ण गायन, आत्मविश्वास र उत्कृष्ट मञ्च प्रस्तुतिमार्फत निर्णायक, प्रशिक्षक तथा दर्शकको मन जित्दै आएकी छन्। सैनिक महाविद्यालयका संगीत शिक्षक टेकेन्द्र नेपालीबाट संगीतको प्रारम्भिक ज्ञान तथा प्रशिक्षण प्राप्त गरिरहेकी सुवाशनाले विगत एक वर्षदेखि राग्रुप संगीत पाठशालामा प्रमोद प्रसाईं र लावनी चक्रवर्तीस“ग क्लासिकल भोकलसहित विभिन्न विधाको संगीतको शिक्षा लि“दै आएकी छन्।