'मेरो लागि हरियो चुरा र कुर्था खै?'

साउन महिना सुरु भयो कि नेपाली नारीहरूको जीवनमा एक किसिमको छुट्टै रङ्गिन बहार छाउँछ। हरियो र पहेँलो पहिरन, हातभरि पाखुरासम्मै लाग्ने हरियो तथा रातो चुरा अनि हत्केलामा सजिएको कलात्मक मेहन्दीले यो महिनालाई विशेष उत्सवमय बनाउँछ।

अझ हाम्रो सुदूरपश्चिमतिर त साउनको महिना आएसँगै गाउँघरमा देउडाको भाका, महिलाहरूको सामूहिक नाचगान र मौलिक सांस्कृतिक रौनकले छुट्टै किसिमको ऊर्जा थपिदिन्छ। संस्कृति र परम्पराको यो लर्कोले हरेक वर्ष साउनलाई एउटा जीवन्त पर्वको रूपमा उभ्याउने गरेको छ।