सरकारको कार्यशैलीप्रति बढ्दो जनअसन्तुष्टि : सुशासन र परिणाममुखी काममाथि उठ्न थाले प्रश्न

काठमाडौं । पछिल्लो समय सरकारको कार्यशैलीप्रति आम नागरिकमा असन्तुष्टि बढ्दै गएको देखिएको छ। सरकारका निर्णय, प्रशासन सञ्चालनको शैली, सार्वजनिक सेवा प्रवाह तथा विकास निर्माणका गतिविधिमाथि विभिन्न क्षेत्रबाट प्रश्न उठ्न थालेका छन्।

संविधानको मर्म र भावना अनुरूप शासन सञ्चालन हुन नसकेको, राज्य संयन्त्रलाई प्रभावकारी रूपमा परिचालन गर्न नसकेको तथा सरकारी कामकारबाहीमा पारदर्शिता र जवाफदेहिताको कमी देखिएको भन्दै आलोचना हुन थालेको हो।