पार्टी एकताको सङ्कल्प गर्न भन्दै किशुनजीको आश्रम पुगे पूर्णबहादुर खड्का

काठमाडौँ । नेपाली कांग्रेसका निवर्तमान कार्यवाहक सभापति पूर्णबहादुर खड्काले पार्टीको पूर्ण एकताका लागि सङ्कल्प गर्न भन्दै पार्टीका पूर्वसभापति तथा पूर्वप्रधानमन्त्री कृष्णप्रसाद भट्टराई ‘किशुनजी’को ललितपुरको बाडेगाउँस्थित आश्रम पुगेका छन् ।

आइतबार बिहान नेता कार्यकर्तासहित आश्रम पुगेका खड्काले किशुनजीको शालिकमा माल्यार्पण गर्दै कांग्रेसलाई एकढिक्का बनाउनका लागि आध्यात्मिक र नैतिक ऊर्जा प्राप्त गर्न आफू आश्रम आएको बताए ।