नेपाली कांग्रेसको आजको बैठकमाथि चौतर्फी नजर

काठमाडौं । नेपाली कांग्रेस केन्द्रीय समितिको बैठक आइतबार पार्टी कार्यालय सानेपामा बस्दैछ। आगामी महाधिवेशनको तयारीबारे छलफल गर्न बोलाइएको भनिए पनि आजको बैठक मुख्यगरी पार्टीभित्रको बदलिँदो कानुनी र राजनीतिक संकटमा केन्द्रित हुने देखिएको छ।

पूर्वसभापति शेरबहादुर देउवा पक्षले सर्वोच्च अदालतमा दर्ता गराएको पुनरावलोकन निवेदनले निस्सा पाएसँगै सानेपाको राजनीति एकाएक तातेको छ। सर्वोच्चले अब कांग्रेसको आधिकारिकतासम्बन्धी विवादको सुरुदेखि नै पुनरावलोकन गर्ने बाटो खुलेपछि सानेपाको नेतृत्व तह दबाबमा परेको छ।