छोरीको शिक्षाका लागि जम्मा गरेको पैसा बुबाले ‘भरणपोषण’ मा खर्च गर्न नपाउने दिल्ली उच्च अदालतको फैसला

नयाँदिल्ली । दिल्ली उच्च अदालतले छोरीको शिक्षाका लागि लगानी गरिएको रकमलाई बुबाले श्रीमती र छोरीलाई दिनुपर्ने भरणपोषण पूरा गर्न प्रयोग गर्न नमिल्ने ठहर गरेको छ ।

‘सुधीर क्वात्रा विरुद्ध शाम्ली क्वात्रा’को मुद्दामा फैसला सुनाउँदै न्यायाधीश नीना बन्सल कृष्णको इजलासले छोरी आफ्नो नाममा भएको लगानी प्राप्त गर्न पूर्ण रूपमा हकदार भएको फैसलामा उल्लेख छ । ‘बुबाले छोरीको नाममा खोलेको लगानी खातामा केवल एक संरक्षकका रूपमा मात्र अधिकार राख्न सक्छन्, मालिकको रूपमा होइन,’ फैसलामा भनिएको छ ।