सिठी फुकेर मात्र ट्राफिक व्यवस्थापन सम्भव छैन : एसएसपी काफ्ले

काठमाडौं– काठमाडौं उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक सुरेशप्रसाद काफ्लेले सिठी फुकेर मात्र ट्राफिक व्यवस्थापन र सडक दुर्घटना न्यूनीकरण सम्भव नभएको बताएका छन् ।

आइतबार आयोजित ‘ट्राफिक व्यवस्थापनमा राष्ट्रिय तथा अन्तर्राष्ट्रिय अभ्यासहरू’ विषयक कार्यक्रममा उनले प्रविधिमैत्री ‘फेसलेस ट्राफिक’ प्रणालीतर्फ जानुपर्नेमा जोड दिए। मादक पदार्थ, लागुऔषध सेवन गरी सवारी चलाउने र तीव्र गति सडक दुर्घटनाका मुख्य कारण रहेको उनले बताए ।