एक वर्षमा एक हजार ७६८ लागूऔषध कारोबारी पक्राउ, १३ सयमाथि मुद्दा दर्ता

नेपालमा लागूऔषध कारोबारविरुद्ध प्रहरीको अभियान गत आर्थिक वर्षमा अझ तीव्र देखिएको छ।

एक वर्षको अवधिमा ९ सय ९३ वटा लागूऔषध सम्बन्धी मुद्दा दर्ता हुँदा १ हजार ७ सय ६८ जना पक्राउ परे। पक्राउ परेकामध्ये १ हजार ३ सय २५ जनाविरुद्ध अभियोग दर्ता गरी अदालतमा पेस गरिएकोमा १ हजार १ सय १३ जना अर्थात् ८४ प्रतिशत प्रतिवादी पुर्पक्षका लागि थुनामा गएको लागूऔषध नियन्त्रण ब्युरोको तथ्यांकले देखाएको छ। जसमा २ सय १२ जना भने धरौटीमा छुटेका छन्।