एक लाख रुपैयाँको पुरस्कारसहित चौथो ‘युवा सर्ट फिल्म फेस्टिभल’ आह्वान

काठमाडौँ। २० वर्षमुनिका प्रतिभाहरू लक्षित चौथो ‘युवा सर्ट फिल्म फेस्टिभल’ आह्वान गरिएको छ। अस्कर कलेज र चलचित्र विकास बोर्डको सहकार्यमा प्रतियोगिता आह्वान भएको हो।

प्रतियोगितामा प्रथमले एक लाख, द्वितीयले पचास हजार र तेस्रोले पच्चीस हजार पुरस्कार प्राप्त गर्नेछन्। सान्त्वना पुरस्कारसमेत रहेको प्रतियोगिताका पुरस्कार विजेता प्रतियोगीले अस्कर कलेज अध्ययन गर्ने चाहे कलेजले पचास प्रतिशत छात्रवृत्ति उपलब्ध गराउनेसमेत कलेजद्वारा जारी विज्ञप्तिमा जानकारी गराइएको छ।