भक्ताखोलालाई नयाँ निकास दिएपछि राप्ती सोनारीका गाउँ डुबानमुक्त

काठमाडौं– बाँकेको राप्ती सोनारी गाउँपालिका–९ मा हरेक वर्ष डुबान र कटानको समस्या सिर्जना गर्दै आएको भक्ताखोलालाई नयाँ निकास दिएपछि स्थानीय बासिन्दाले राहत महसुस गरेका छन् ।

लुम्बिनी प्रदेश सरकारको ५५ लाख रुपैयाँ लागतमा आँपखोली सामुदायिक वन क्षेत्रबाट तटबन्धन गरी खोलालाई वसन्ता खोलातर्फ मोडिएको हो । यसपछि गुरुवागाउँ, खड्काटोल, पहाडीपूर्वा, थारुगाउँ, ढकेरी र पम्पबजार क्षेत्र डुबानको जोखिमबाट सुरक्षित भएका छन् ।