धनगढीबाट काठमाडौं जाँदै गरेको बस कपिलवस्तुमा दुर्घटना, २२ जना घाइते

कपिलवस्तुमा यात्रुवाहक बस दुर्घटना हुँदा २२ जना घाइते छन् । महाराजगंज नगरपालिका– २ गैडहवास्थित हुलाकी सडकखण्डमा धनगढीबाट काठमाडौंतर्फ जाँदै गरेको सुदूरपश्चिम प्रदेश ०१–००१ ख ३७२१ नम्बरको यात्रुवाहक बस दुर्घटना भएको हो । शिवपुरी लक्जरी कोच प्रा.लिद्वारा सञ्चालित उक्त बस आफैँ अनियन्त्रित भई डिभाइडरमा ठोक्किएपछि सडकमै पल्टिएको थियो ।

जिल्ला प्रहरी कार्यालय कपिलवस्तुका अनुसार दुर्घटनामा परेर घाइते हुनेहरूमा बस चालक कैलालीको धनगढी उपमहानगरपालिका– १३ गेटा बस्ने ४२ वर्षीय हरिसिंह महरा सँगै बैतडीको सिवास गाउँपालिका– ६ खालाकाँडाका २५ वर्षीय चक्रबहादुर रोकाया, डोटीको दिपायल सिलगढी नगरपालिका– ५ दतेडया बस्ने ३० वर्षीय भरत मल्ल, कैलालीको गोदावरी नगरपालिका– १ बस्ने २८ वर्षीय विमल भट्ट, गोदावरी नगरपालिका– २ बस्ने ५५ वर्षीया सीतादेवी बादी, डडेलधुराका २९ वर्षीय नरेन्द्र ताम्राकार, उनकी श्रीमती २५ वर्षीया आलिया ताम्राकार, २ वर्षीय सुदर्शन ताम्राकार, बझाङका थलारा गाउँपालिका– ५ बस्ने २३ वर्षीय विनोद सत्कुली, बैतडीको पुरचौडी नगरपालिका– ८ मल्लादोही बस्ने १५ वर्षीय लोचन विष्ट, उनका बुबा ४५ वर्षीय कृष्णबहादुर विष्ट रहेका छन् ।