युक्रेनमा रुसकाे भीषण आक्रमण :  निशानामा बन्दरगाह र ऊर्जा पूर्वाधार

काठमाडौँ । रुसी सेनाले युक्रेनका विभिन्न क्षेत्रमा गरेको पछिल्लो आक्रमणमा कम्तीमा ३ जनाको मृत्यु भएको छ भने दर्जनौँ घाइते भएका छन्। उत्तरपूर्वी खार्किभमा रुसी ड्रोनले एउटा आवासीय भवनमा प्रहार गर्दा २ जनाको मृत्यु र कम्तीमा २१ जना घाइते भएका छन्।

खार्किभका गभर्नर ओलेह सिनेहुबोभका अनुसार साल्टिभ्स्की जिल्लास्थित बहुमञ्जिला भवनमा भएको आक्रमणमा ५० र ६६ वर्षका दुई पुरुषको मृत्यु भएको हो। आक्रमणपछि भवनका चार तला क्षतिग्रस्त भएका छन्।