आर्थिक चलखेलले बिरामीको स्वास्थ्यमाथि खेलबाड: मोटो रकम लिएर घटना सामसुम पारिँदै

कञ्चनपुरको कृष्णपुर नगरपालिका–१ की ५० वर्षीय समानी चौधरीको मिर्गौलामा पत्थरी देखा पर्यो। मिर्गौलाको पत्थरीको शल्यक्रिया गर्नु जटिल उपचार थिएन। तर धनगढीको केजी हस्पिटलमा चिकित्सकले शल्यक्रिया गर्दा गरेको कमजोरीका कारण बिहीबार चौधरीको मृत्यु भयो। बिहीबार हस्पिटल भर्ना भएकी उनको शल्यक्रिया पछि केही घण्टामै ज्यान गएको थियो।

अस्पतालले कमजोरी गरेर बिरामी मारेको भन्दै आफन्त र स्थानीयले विरोध गरे। विरोधपछि अस्पतालले मृतकका आफन्तलाई २२ लाख रुपैयाँ दिएर घटनालाई सामसुम पारे। मृतकका छोरा सुनिल चौधरीलाई २ लाख रुपैयाँ नगद र प्रति महिना ५, ५ लाख झिक्न मिल्ने गरी २० लाखको ४ चेक अस्पतालले दिएको श्रोतले बताएको छ।