जलाशयमा गेग्रान थुप्रियपछि माथिल्लो तामाकोशीको उत्पादनमा अवरोध

काठमाडौं । दोलखास्थित ४५६ मेगावाट क्षमताको माथिल्लो तामाकोशी जलविद्युत् केन्द्रबाट विद्युत उत्पादन बन्द भएको छ । बाढीले जलाशयमा गेग्रान थुप्रिएपछि आइतबार १० घण्टा विद्युत् उत्पादन बन्द गरेको हो ।

जलाशयमा थुप्रिएको गेग्रानका कारण पानी प्रवेश गर्ने जालीमा अवरोध भएपछि सफाइका लागि बाँधस्थलका दुईटा गेट खोलिएको र गेट खोलेर जलाशयको पानी बाहिर निकाल्दै सफाइ गर्ने काम भइरहेको केन्द्रले जनाएको छ ।