पहिचान र संस्कृतिको उत्सव : काठमाडौंमा सांस्कृतिक झाँकीसहित मनाइयो विश्व आदिवासी दिवस

काठमाडौं : आज ३२औँ विश्व आदिवासी जनजाति दिवस। विश्वभर छरिएर रहेका आदिवासी जनजातिहरूको अधिकार, संस्कृति, भाषा र पहिचानको संरक्षण गर्ने उद्देश्यले प्रत्येक वर्ष अगस्ट ९ का दिन यो दिवस मनाउने गरिन्छ।

संयुक्त राष्ट्रसङ्घको महासभाले २३ डिसेम्बर १९९४ मा हरेक वर्ष अगस्ट ९ लाई विश्व आदिवासी दिवसका रूपमा मनाउने निर्णय गरेको थियो। सन् १९८२ मा जेनेभामा संयुक्त राष्ट्रसङ्घको आदिवासी जनसङ्ख्यासम्बन्धी कार्यसमूहको पहिलो बैठक अगस्ट ९ मा भएकाले सोही दिनलाई दिवसका रूपमा छनोट गरिएको हो।