धनगढीको विशेषज्ञ वडा स्वास्थ्य क्लिनिकबाट गत आवमा ३८ हजार बढीले लिए सेवा

धनगढी । कैलालीको धनगढी उपमहानगरपालिकाले सञ्चालन गर्दै आएको विशेषज्ञ वडा स्वास्थ्य क्लिनिक कार्यक्रमबाट ३८ हजार सात सय ९३ बिरामीले स्वास्थ्य सेवा लिएका छन् । गत आर्थिक वर्ष २०८२÷८३ मा सो कार्यक्रमबाट ३८ हजार सात सय ९३ बिरामीले स्वास्थ्य सेवा लिएका हुन् ।

उक्त कार्यक्रमका श्रोतव्यक्ति कृष्ण बोहराका अनुसार गत आवमा विशेषज्ञ वडा स्वास्थ्य क्लिनिकबाट २९ हजार तीन सय ६२ महिला र नौ हजार चार सय ३१ जना पुरुषले निःशुल्क विशेषज्ञ सेवा लिएका छन् ।