पारो एफसीको फराकिलो जितमा रेनुका र सरुको गोल

काठमाडौं। भुटानी राष्ट्रिय महिला लिग ‘टियर–१’ मा नेपाली राष्ट्रिय महिला फुटबल टोलीका मिडफिल्डरद्वय रेनुका नगरकोटे र सरु लिम्बू सम्मिलित पारो एफसीले फराकिलो जित दर्ता गरेको छ। पारोले गेलेफु गर्ल्स युनाइटेड (यु–२०)लाई ७–१ गोलले पराजित गरेको हो।

खेलमा गेलेफुका लागि साङ्गे वाङ्मोले २१औँ मिनेटमा गोल गर्दै टोलीलाई सुरुवाती अग्रता दिलाएकी थिइन्। १–० ले पछि परेको पारोले उत्कृष्ट पुनरागमन गर्दै फराकिलो जित निकालेको हो।