पाकिस्तानको आक्रमणबाट अफगानिस्तानमा कम्तीमा २८ सर्वसाधारणको मृत्यु

कुनार । पाकिस्तानले आइतबार अफगानिस्तानको सीमावर्ती प्रान्तहरूमा हवाई आक्रमण र स्थल सेना परिचालन गर्दा कम्तीमा २८ जना सर्वसाधारणको मृत्यु भएको छ।

संयुक्त राष्ट्रसङ्घीय अफगान मिसन (युनामा) का अनुसार यस आक्रमणमा अन्य ४९ जना घाइते भएका छन् र पीडितहरूमा महिला तथा बालबालिकासमेत रहेका छन्। अफगानिस्तानको तालिवान सरकारले सर्वसाधारणका घरहरूमा आक्रमण भएको जनाउँदै यस कदमलाई कायरतापूर्ण कार्य र अत्याचारको संज्ञा दिएको छ।