हाइटी हिंसाका कारण ४० हजार मानिस विस्थापित : संयुक्त राष्ट्रसंघ

रोम । क्यारेबियन राष्ट्र हाइटीमा अपराध बढेपछि गत अगष्टको मध्यदेखि हालसम्म करिब ४० हजार मानिसलाई घरबाहिर निकालिएको संयुक्त राष्ट्रसङ्घको खाद्य निकायले सोमबार जनाएको छ ।

रोमस्थित विश्व खाद्य कार्यक्रमका अनुसार यो विस्थापनले ‘पहिलेदेखि नै जटिल मानवीय सङ्कट’लाई बढावा दिइरहेको छ, जहाँ देशको लगभग आधा हिस्साले खाद्य असुरक्षाको चरम स्तरको सामना गरिरहेको छ ।