वर्तमान शासकीय स्वरूपमाथि प्रश्न उठाउनु राजनीतिक अपरिपक्वता हो: कांग्रेस नेता आङदेम्बे

काठमाडौँ । प्रमुख प्रतिपक्ष दल नेपाली कांग्रेसका संसदीय दलका नेता भीष्मराज आङदेम्बेले वर्तमान शासकीय स्वरूपमाथि प्रश्न उठाउनु राजनीतिक अपरिपक्वता भएको बताएका छन्।

६८ औं संसद दिवसको अवसरमा मङ्गलबार सिंहदरबारमा आयोजित विशेष कार्यक्रममा बोल्दै नेता आङदेम्बेले जनताको ठूलो बलिदान र सङ्घर्षबाट प्राप्त भएका राजनीतिक उपलब्धिलाई कुनै पनि बहानामा सङ्कटमा पार्न नहुनेमा जोड दिएका हुन्। नेतृत्वको आफ्नै अकर्मण्यता, सोचको कमजोरी र अपरिपक्वताका कारण व्यवस्थामाथि नै दोष थोपर्ने काम भइरहेको उनको भनाइ छ।