ग्यास लुकाएको आरोपमा ५० हजार जरिवाना

नेपालगन्जमा बजार अनुगमनका क्रममा ग्यास लुकाएको आरोपमा आइतबार एक किराना पसललाई रु ५० हजार जरिवाना गरिएको छ।

बाँकेका सहायक प्रमुख जिल्ला अधिकारी महेशकुमार गुरुङको नेतृत्वमा गएको अनुगमन टोलीले नेपालगन्ज–११ स्थित शङ्कर दयाल बद्रीप्रसाद प्रोभिजन स्टोरलाई जरिवाना गरेको हो। 'ग्यास लुकाएर राखेको भन्ने सूचना आएपछि हामी त्यहाँ पुग्दा ग्यास भेट्टाएका थियौँ,' उनले भने।