अब मन्त्रालयमा खरिदार-सुब्बा नरहने

सरकारले आगामी तीन वर्षभित्र मन्त्रिपरिषद् तथा प्रधानमन्त्री कार्यालयसहित १८ मन्त्रालयमा खरिदार र नायब सुब्बाको दरबन्दी शून्य बनाउने घोषणा गरेको छ। हाल प्रधानमन्त्री कार्यालयसहित सबै मन्त्रालयले दरबन्दी पुनसंरचना (संगठन तथा व्यवस्थापन-ओएनएम सर्भे) गरिरहेका छन्।

स्रोतका अनुसार हालसम्म १४ मन्त्रालयले ओएनएम सर्भे गरिरहेका छन्। मन्त्रिपरिषद् तथा प्रधानमन्त्री कार्यालय, परराष्ट्र, अर्थ तथा पूर्वाधार विकास मन्त्रालयले मात्र दरबन्दी पुनसंरचना गरेका छैनन्। पूर्वाधार विकास मन्त्रालयले ओएनएम सर्भे गरी प्रधानमन्त्री कार्यालयमा प्रस्तावसमेत पठाइसकेको छ। उक्त प्रस्ताव अझै स्वीकृति गरिएको छैन।