घुँडाको चोटका कारण सिनसिनाटी ओपनबाट हटे विश्व नम्बर एक सिनर

विश्व नम्बर एक टेनिस खेलाडी जानिक सिनर घुँडाको चोटका कारण यसै साता सुरु हुने सिनसिनाटी ओपनबाट बाहिरिएका छन्।

२४ वर्षीय इटालियन खेलाडीले दायाँ घुँडामा समस्या देखिएपछि प्रतियोगिताबाट नाम फिर्ता लिने निर्णय गरेका हुन्। चिकित्सकीय टोलीसँग उपचार र पुनरागमनका लागि निरन्तर काम गरिरहे पनि प्रतिस्पर्धाका लागि आफू अझै पूर्ण रूपमा तयार नभएको सिनरले बताएका छन्। सिनरले भनेका छन्, ‘चिकित्सक र आफ्नो टोलीसँग परामर्श गरेपछि सिनसिनाटीको मास्टर्स १००० प्रतियोगिताबाट हट्नुपर्ने भएको छ। मेरो दायाँ घुँडाले समस्या दिइरहेको छ र अहिले म प्रतिस्पर्धाका लागि तयार छैन।’