लालपुर्जा र सम्मानजनक पुनर्स्थापनाको माग गर्दै सुकुम्बासी मोर्चाले आन्दोलन घोषणा

काठमाडौं– संयुक्त राष्ट्रिय सुकुम्बासी मोर्चा नेपाल, काठमाडौं उपत्यका विशेष समितिले भूमिहीन, सुकुम्बासी तथा अव्यवस्थित बसोबासीको स्थायी पुनर्स्थापना, भूस्वामित्व र विस्थापनको क्षतिपूर्तिको माग गर्दै चरणबद्ध शान्तिपूर्ण आन्दोलन घोषणा गरेको छ।

मोर्चाका अध्यक्ष कुमार राई र इन्चार्ज दल मर्दन कामीले संयुक्त रूपमा सार्वजनिक गरेको ‘घोषणापत्र–२०८३’ मा आवासको अधिकार, भूस्वामित्व, सामाजिक न्याय र मानवीय मर्यादालाई सुनिश्चित गर्न सरकारसँग माग गरिएको छ। मोर्चाले आवास नागरिकको संवैधानिक अधिकार भएकाले राज्यले दयाको रूपमा नभई अधिकारका रूपमा भूमिहीन तथा सुकुम्बासीको समस्या समाधान गर्नुपर्ने जनाएको छ।